Tudalen:Dyddanwch yr aelwyd.djvu/35

Cyn i'n dydd hwyrâu yn rhyhwyr,
Cyn machludo haul ein hawyr,
Yn ein gwisg gochelwn gysgu,
Gwaedd ar haner nos sy'n nesu;
Dyn ni phery mewn hoff hiroes,
Ceisiwn felly, Amen lynu mewn ail einioes.

Peth cyntan y byd a wnaethum oedd wylo,
Ac eraill y'ngwenu fy ngweled i ynddo;
Pan elwyf o'r byd, os eraill a wylant,
Minnau fo'n gwenu y'ngwlad y gogoniant.
 —R. DAVIES, Nantglyn.

CYFIEITHIAD O ANACREON

[AWDL XIX. ]

GAN yfed, yf y ddaiar ddu,
A'i hyfed hithau'r coed y sy;
Y môr a yf awelau'r wawr,
A'r haul a yf y cefnfor mawr;
A'r lloer, i wella'i misol draul,
A yf drachefn oleuni'r haul.
Pob peth a yf: a pham ych chwi
Yn grwgnach os yr yfaf fi?
 —PARCH. D. S. EVANS