Tudalen:Eben Fardd (Ab Owen).pdf/59

Awyr glir yn awr yw gwledd
Mireinwyr y maranedd.

Yma, deufwy mwy difyr—i fynwes,
Yw'r elfennau pybyr;
O denenad yr awyr
Ymburo mae wybyr a mŷr.

Y lleuad nawnos oleu.

Try y lloer fel troell arian,
Uwch byd, yn yr entrych ban;
Yn ei chlir liw a'i chlaer led
A llun llon ei llawn lluned;
Wyneb ei rhod wna barhau
Nes el yn naw-nos olau,
I roi i drinwyr yr yd
Loew ffafr ei gwawl hoff hyfryd;
Ac a'n hwy, ddydd cynhaeaf,
Na goleuddydd hirddydd haf,

Y cynnull.
Diderfyn erlyn ac arlwy, —lledu
Pob Llidiart ac adwy,
A menni trymion at dramwy
I lawr maes a welir mwy.

Prysurir, heb hir siarad,—i hylwyr.
Hela pob seldremiad,
Er ydlannu'r adlenwad
Yn 'stor dlos at raid y wlad.

Y lloffa.

Namyn tywys y minteioedd—tlodion,
A'n taliadau cyhoedd
Dan of Duw y nefoedd;
Eiddynt yw, a'u heiddynt oedd.

Dyledus i dylodion,—wrth ddwyfol
Raith-ddefod, yw'r lloffion;