Prawfddarllenwyd y dudalen hon
ydyw'r Prydferthwch a ymdaen dros wyneb Natur; a gelwir yr amlygiadau hyn yn brydferth oblegid y mynegant, ac yr arwyddluniant hwnnw: e.e., trig Prydferthwch planhigyn yn ei gyfaddaster perffaith i'w ddiben,—perffeithrwydd a fynega ddoethineb ei Greawdwr.
HAMILTON.
Ceir mwynhad wrth fyfyrio ar wrthrych prydferth pan wêl y Dychymyg Amrywiaeth a'r Deall Unoliaeth, ynddo. Ni cheir unrhyw fath arall o fwynhad,—e.e., mwynhad synhwyrus,—wrth fyfyrio ar Brydferthwch. Nid oes a fynno cyfaddaster pethau prydferth â'r cwestiwn o gwbl.
Peth ysbrydol ydyw Prydferthwch, ac arwyddlun o briodoleddau dwyfol. rai o'i ffurfiau arwyddluniol:
| Ffurfiau Prydferthwch | Dyma Y Priodoleddau Dwyfol a arwyddlunnir ganddynt |
|---|---|
| 1. Anfeidroldeb (Infinity) | 1. Anamgyffredadwyaeth |
| 2. Unoliaeth (Unity) | 2. Amgyffredadwyaeth |
| 3. Gorffwystra (Repose) | 3. Sefydlogrwydd |
| 4. Cymesuredd (Symmetry) | 4. Cyfiawnder |
| 5. Purdeb (Purity) | 5. Egni |
| 6. Cymedroldeb (Moderation) | 6. Llywodraeth drwy Ddeddf |
