Prawfddarllenwyd y dudalen hon
- (xxii) Na fyddwch gaethwas i Glasuryddiaeth nac ysglyfaeth i Rhamantyddiaeth. Nac addolwch eilunod, hen na diweddar, duwiau nadd na duwiesau roeth. Gwrandewch ar eu horaclau; profwch a ddywedant, a deliwch yr hyn a fo da ynddynt.
Despise nothing which the past can teach; reject nothing which the present offers."—J. A. SYMONDS.
- (xxiii) Cofiwch y Pum Ffordd, yn ôl Aristotl, y gellir beirniadaeth gondemniol ar ryw waith llenyddol:
- "There are five sources from which critical objections are drawn: things censured as impossible, or irrational, or morally hurtful, or contradictory, or contrary to artistic correctness."—Cyf. BUTCHER.
- (xxiv) Ni ddylid ysgar na gair na brawddeg na meddwl na ffigur oddiwrth eu cyd-destun. Cyll aelod cerflun ei ystyr pan ysgarer ef oddiwrth y corff. Trig gwerth a llawer o brydferthwch pethau, yn arbennig mewn llenyddiaeth, yn eu cyd-berthynas.
- (xxv) Uwchlaw pob dim, nac anghofiwch ddeddfau a safonau Estheteg. Dyma'r maen praw terfynol ym mhob Beirniadaeth Lenorol o werth; dyma'r Cesar y gwneir yr apêl olaf ato. Fel y dywaid G. Saintsbury:
