Tudalen:Elfennau Beirniadaeth Lenorol.djvu/91

VII
ARDDULL

1. Mân Elfennau Arddull Dda. Dyma rai o honynt:

(i) Cywirdeb Iaith	$\scriptstyle {\left.{\begin{matrix}\ \\\\\ \\\ \ \end{matrix}}\right\}\,}$Gwêl td. 19-20.
(ii) Medruster Crefft
(iii) Coethder Ymadrodd

(iv) Eglurder Meddwl. Er sicrhau hyn, rhaid i'r awdur gymathu a meistroli ei fater yn drwyadl, a'i fynegi ei hun mewn ffurf hawdd ei deall gan y darllenydd cyffredin.

(v) Symlrwydd Mynegiant. Y ffurf symlaf bob amser ydyw'r ffurf orau. Amcaner at uniongyrchedd mewn mynegiant.

(vi) Olyniaeth Meddyliau. Dylai'r meddyliau a'r teimladau a fynegir ymddolennu o frawddeg i frawddeg, o baragraff i baragraff, o bennod i bennod. Gocheler popeth digyswllt,—meddwl, gair, ymadrodd, brawddeg, paragraff, pennod. Uwchlaw pob dim, gwylier rhag brawddegau llosgyrnog.