Prawfddarllenwyd y dudalen hon
EMYN O FAWL I GRIST.
Iesu, Mab y Duw tragwyddol—
Mor dragwyddol ag yw Ef,—
Haul ei Hanfod annherfynol,—
Gwir ogoniant pur y Nef;
O na chawn
Rin a dawn
I dy foli di yn iawn!
Yn y plygain gwynfydedig
Dreuliaist gydag Ef ei hun,
Gwelaist gwmwl prudd, gwenwynig,
Pechod a thrueni dyn;
Ac i lawr
Hyd y llawr
Daethost drwy dy gariad mawr.
Faint oedd hyd dy daith ryfeddol,—
Faint adewaist ar dy ol,—
Sut y deuaist Di yn ddynol,—
Sut yr hoffaist adyn ffol!
Duw mewn cnawd
Imi'n Frawd,
Dyma obaith f'enaid tlawd!
Trengaist Di, y Bywyd Dwyfol,
Dros euogion ar y pren:
Yn dy haeddiant annherfynol
Mi edrychaf tua'r nen:
Gwynfyd byw
Dynol ryw
Dardd i gyd o Groes fy Nuw.
