Troai allan bob troellau—dichwaethiad
A chwithig ffigyrau;
Ac i wawd â'i ergydiau—ef o'i wydd
Yrrai annedwyddd goeg addurniadau.
I galon Awdlau gwelai,—o honynt
Darluniad a dynnai,
A'i bwyntel ef a baentiai
Awen bur heb yr un bai.
Ail nawdd roi i lenyddiaeth,
Yn ei oes, a'i hurddo wnaeth.
Er i'r gwr mawr ei ragorion—am oes,
Dramwyo iaith estron,
Ei hen iaith, a thlysni hon, heb hoced,
Hawdd iawn oedd gweled, ddenodd ei galon.
Y hi a'i thân a'i thonau—aneisor
Oedd nes iddo yn angau;
A hon a ddaeth o'i enau, ddiweddaf,
Dyma y nesaf, hawdd gweld, mewn eisiau.[1]
Ei dreithiau[2] golau gwelir
Sy'n llawn dysg neu addysg wir;
Ar Ryddid a'i oreuddawn
Rhoes Wallter ddewrder ei ddawn;
Darlun yw, a darlun oedd,
O erch loesau'r Chwil-lysoedd,
A dinistr eu dirdyniad
A'u mawr lid mewn amryw wlad.
Tudalen:Gwaith Caledfryn.pdf/56
Prawfddarllenwyd y dudalen hon
