Prawfddarllenwyd y dudalen hon
Rhag poen aruthrgar,
Poeth ferw tân llachar,
Pwll byddar daear,
Du-oer fygnedd.
Rhag lith llwythau blin,
Llys uffern fegin,
Llin Adda fyddin,
Gerwyn gyredd.
Brenhinawl Fab Mair,
Brenhinawl oreu—grair,
Brenin nef y'th wnair—
Gair gorfoledd.
Ti a faddeuaist,
Da y meddyliaist,
Y dydd y'n prynaist,
Ar bren crogwedd.
Dy boen a'th alaeth,
A'th ferthyrolaeth,—
Y rhai a'i gwnaeth,—
Eurfaeth orfedd.
Wrth hynny, Arglwydd,
Cadarn di—dramgwydd,
Cedrwydd cyfyngrwydd,—
Cof oferedd.
Gwna, Ddofydd, faddeu,
Fy holl bechodau,
A'm ddwyn i'th ddehau,
Oleu wledd.
Mal y maddeuwyf,
A wnaethbwyd trwy nwyf,
Ar fy nghnawd o nghlwyf,
Glew ddigllonedd.
