Prawfddarllenwyd y dudalen hon
Ar fro na thir,
Ef ni welir,
Er yn ddyhir,
Ef yn ddiau.
Ef yw'r dial,
Am yr afal,—
Un anwadal
I anwydau.
Ef yn uchel,
Ef yn dawel,
Ef yn isel,
Ef yn asau.
Ef o'i arwydd,
Yn gyfarwydd,
Ef yn ebrwydd,
Ni fyn wobrau.
Yn bwhwman,
Yn tra buan,
Draw ac yman,
Drwy i gamau.
Ef ni bydd hyn,
Yn y flwyddyn,
Ni wybydd dyn,
Ef ni bydd iau.
Ac ef a gryn,
Ac ef ni ryn,
Ac ef a dyn,
Ac ef a dau.
Nid llesg lle dêl,
Nis llysg eufel,
Nis lludd oerfel,
Nis lladd arfau.
