Prawfddarllenwyd y dudalen hon
Yn cario ei enwog goron—a roed
Gan Greawdwr ffyddlon;
Y coronau cywreinion
Diwerth ynt i gyd wrth hon.
Pa ryw deyrn, neu gampwr da,
Fyth garia y fath goron?
Minir y crymanau—allan yr a
Llawn res o bladuriau;
Gwylio'r adeg, casglu'r ydau,
O forau i hwyr heb lwfrhau.
Yna daw y du AEAF—ei oerni,
A'i hirnos yn araf;
At y tân eto tynnaf—rhag anwyd,
Mynwes yr aelwyd yw'r man siriolaf.
Daw'r ia oer, y llwydrew arian—a'r od
Puredig dros anian;
Rhy drwm yw i'r adar mân
Daro sill fedrus allan.
Daeth stormydd yn dywydd du,
Swn brochus i'n brawychu.
Trymha eu dinistr, ymdaenant,—coedydd
Cedyrn a ddadwreiddiant;
Y digllon eigion rwygant,
Ewynu ei donnau wnant.
Du echrys ofn a dychryn
A ddaw o'r tymhestloedd hyn.
