Tudalen:Gwaith yr Hen Ficer.pdf/96

Gwell y llwyddodd rhandir Abram
Nag y llwyddodd teyrnas Joram,
A'r gohilion a gas Iago,
Na phraidd Laban gwedi'u hyso.

Fel y bwytodd gwinllan Naboth
Deyrnas Ahab a'i holl gyfoeth,
Felly bwyty'r geiniog sgeler,
Faint a feddech trwy gyfiawnder.

Ceiniog ddrwg, pwy bynna'i caffo,
Sydd fel gwartheg truain Pharo,
Rhai fwytasant ei dda tewion,
Heb fod llawnach eu coluddion.

Rho gan hynny'r hyn sydd union,
Rhwng dy blant, a'th ffrins, a'th weision
Ac na chytgam er dy fywyd,
Roi i neb anghyfiawn olud.

Fel y llwyddodd Duw y manna,
Toes y weddw o Serepta,
Olew'r weddw dlawd a'i meibion,
Felly y llwydda'r gronyn cyfion.

Rho i Isaac, dy etifedd,
Ei difeddiaeth yn ddi-duedd;
A rho i'r lleill o'th blant o bob-tu,
Fodd i fyw yn ol dy allu.

Rho i'th wraig ei chyflawn draian,
Na ro iddi lai na'i chyfran;
O roi 'chwaneg, mae yn rhigyl,
Fod y fath yn nafu'r epil.

Na'd was ffyddlon heb ei wobar,
Rho i'th gar tlawd help o'r heiniar
Na'd dy weithiwr heb ei gyflog;
Crio'n dost a wna'r fath geiniog.