Prawfddarllenwyd y dudalen hon
LXXIV.
MAE edrych, dim ond edrych,
I ben Calfaria fryn,
Yn tynnu ofnau ymaith,
Yn gwneyd y du yn wyn;
Mae gweld y drain plethedig,
A dwfr y waew ffon,
Yn creu rhyw bur dangnefedd
Digymysg dan fy mron.
LXXV.
MAE'R iachawdwriaeth rasol
A drefnodd Tri yn Un,
Yn llawn o ryfeddodau—
Uwchlaw amgyffred dyn;
Yn ffrydiau hon ni nofiwn
I mewn i'r gwynfyd pur,
I ganu byth yn ddiau
Am glwyfau'r hoelion dur.[1]
LXXVI.
FE welodd Io'n ryw dorf aneirif,
'Dall neb eu cyfrif yn ei fyw,
Yn dod i'r lan o'r cystudd garw
Wedi eu gwisgo a delw Duw;
Rwy'n gobeithio y byddaf yno.
Wedi'm clirio yn y gwaed,
Crist roes berffaith Iawn i'r gyfraith,
Cana am iachawdwriaeth rad.
- ↑ Azariah Shadrach.
