Prawfddarllenwyd y dudalen hon
CXXXIII.
FFOWCH bellach, oll ar frys,
Edrychwch yn y blaen,
Mae golwg hyll yn ol—
Sodoma sydd ar dân;
Ymlaen, ymlaen, i'r creigydd byw,
I Soar deg dan aden Duw.
CXXXIV.
O ARGLWYDD Dduw'r gwirionedd,
Rho sylwedd ini i gyd,
Na ad i'n fyw'n rhagrithiol,
A deddfol yn y byd;
Rho ini wir dduwioldeb,
A wnelo'n henaid gwan,
Yn bwysau yn y glorian.
Sancteiddlan yn y man.[1]
CXXXV.
MAE dyddiau griddfan i mi'n hir,—
Caethiwed Babel fawr;—
O na chawn deimlo Jubil fwyn
Yn agor dorau'r wawr.
CXXXVI.
WELE eto ddydd yr Arglwydd,
Sabbath newydd mewn mwynhad,
Dydd y cododd Iesu grasol,—
Blaenffrwyth mawr y dwyfol had;
Dydd i gofio'r Oen bendigaid,
Dydd i wledda'r enaid yw,
Dydd y cafodd myrdd o ddynion
Yn y moddion gwrdd â Duw.
- ↑ Azariah Shadrach.
