Prawfddarllenwyd y dudalen hon
Daear faith, ac uchder nef
Byth ni ffeindia,
Arall tebyg iddo Ef,—
Haleliwia!
CLXXIX.
Mi welais haf a gaeaf,
Mi welais ddydd a nos,
Mi welais foli a dawnsio,
Mi welais gario'r groes;
Mi welais waethaf Satan,
Ni welais oreu Duw;
Hosanna! Haleliwia!
Fy Nhad sydd wrth y llyw.[1]
CLXXX.
Y MAEN wrthododd gweithwyr caeth.
O'r diwedd aeth i'w le,
Yn ben y gongl y mae bob awr
Yng nghyntedd mawr y ne.[2]
CLXXXI.
YNG ngwydd yr haul yr hoeliwyd
Yr Haul ar ben y bryn,—
Yr Haul wnai haul dywyllu,—
Bydd cof o hyd am hyn;
Rhoed Haul heb haul i orwedd
Yng ngwaelod bedd ynghudd,—
"Dau Haul" i gyd-gyfodi
Ar fore'r trydydd dydd.
