Prawfddarllenwyd y dudalen hon
Weles i ddim chwaneg, o achos mi dages, er nad oeddwn i ddim wedi dechre byta chwaith, a rhaid oedd imi fynd allan i gael fy ngwynt ata. Pan ddois i yn f'ôl, yr oedd fy nhad yn ymosod ar y cinio ei hun, y pregethwr yn edrych yn reit digalon uwchben ei baned te, a mam yn y siambar yn crio, ac yn trio ei gore ddod ati ei hun.
Pan a i yn bregethwr, yr ydw i am drio dysgu byta rhwbeth, beth bynnag.
