YR HEN AMSER GYNT.
"For Auld Lang Syne."
ER troion byd, ei wên a'i ŵg,
A llawer dyrus hynt,
Tra melus ydyw galw i gof
Yr hen amser gynt.
Er mwyn yr hen amser gynt, fy ffrind
Yr hen amser gynt,
Ni wnawn yn llawen heno er mwyn
Yr hen amser gynt.
Ar hyd y maesydd clywid sain
Ein hadlais gyda'r gwynt,
Tran dilyn ein diniwaid gamp,
Yr hen amser gynt.
Dod law mewn llaw, fy nghyfaill llon,
Aed gofal byd gan wynt;
Ni wnawn yn llawen heno er mwyn
Yr hen amser gynt.
Difyrrid ni wrth godi a gweld
Y barcud yn y gwynt;
Ond tyfa'r gwellt lle sangem ni
Yr hen amser gynt.
Dod law mewn llaw, &c.
Ar ddyddiau hafaidd chwythu wnaem
Y dyfrglych gyda'r gwynt,
Heb feddwl fawr mai felly yr ai
Yr hen amser gynt.
Dod law mewn llaw, &c.
