Gwirwyd y dudalen hon
Y CREYR GLAS
Coesir bysgodwr cyson;—un dinod
Yn denau echryslon
Yw'r Creyr Glas, diflas ei dôn,
A'i nef yw llyn neu afon.
UNAWD ADERYN DU
A geir undyn fu'n gwrando—'deryn du
A'i 'run dón, yn blino?
Yr un sêl a'r un solo
Yn ddi—feth geir ganddo fo.
CUDYLL COCH
Angheuol lun llongawyr—chwim ydyw,
A chymydog eryr;
Caiff adar gwig, â'i big byr,
Brawf o'i hafog byrfyfyr.
Y BIOGEN
Chwimwth a sione ei chamau a'i hediad
Ydyw hyd fuarthau;
Un euog o ddwyn wyau,
Achos yw hyn i'w chasau.
ROBIN GOCH YN CANU YN IONAWR
I ben y goeden yn gawr—esgynnodd
A rhoes ganig swynfawr ;
Ces loniant a mwyniant mawr
O'i gan unig yn Ionawr.
