Prawfddarllenwyd y dudalen hon
Ddwyryd laardd! hi a red hyd—ei waelod
Hyd wely tywodlyd;
A gwên heulwen am ennyd
Yrr ei gwedd fel aur i gyd.
O Faentwrog! fe anturiwn—i ddal
I ddweud hyd tra byddwn,
Nad oes wlad trwy'r cread crwn
Mwy swynol, neu mi synnwn.
CWMORTHIN
Isel bant yng nghesail bydyw—y Cwm
Ac oer le anhyfryd;
A chroenllom graig ddychrynllyd
Guddia haul rhagddo o hyd.
Y CEUNANT MAWR
(LLANFROTHEN)
Di-ferw le difyrrus,—llys anian,
Lle swynol rhamantus;
O fewn hwn fe welwn ôl
Anfeidrol law Duw'n fedrus.
I rai hoff o oriau hedd,—o derfysg
Dirfawr byd a'i wagedd,
Dyna fan anghyfannedd.
O ofal byd, mae fel bedd.
