Prawfddarllenwyd y dudalen hon
CYMWYNASWR
(I'M HEWYTHR RICHARD)
At ei annedd y tynnid,—i'w alw
At filod mewn gwendid;
Ef â'i law a ddofai lid
Anifail dan ei ofid.
I fuwch a march neu fochyn—ardalwyr
Rhôi deilwng feddyglyn;
Un parod oedd pwy yw'r dyn
Rif rai fu ar ei ofyn?
Fy ewythr fu trwy'i fywyd—i gannoedd
Yn gweini yn ddiwyd;
A chafodd "ddiolch" hefyd,
Yna,—ei fedd, a Gwyn Fyd.
HEDD WYN
I ganol gwaedlyd gynnwr'—Hedd wylaidd
A alwyd yn filwr;
A gwarth amlwg oedd galw gŵr
O brydydd i waith bradwr.
Yn Ffrainc dlos ceidw noswyl,—yn drwm ei hun
Draw ymhell o'i breswyl;
I'w gadair wag wedi'r ŵyl
Ni ddihuna Hedd annwyl.
Mae'i awen glodfawr mwyach—yn y glyn,
Tan glo heb gyfeillach;
Hedd annwyl a fydd wynnach—
A mawr fydd yng Nghymru fach.
