Prawfddarllenwyd y dudalen hon
ER COF
Ei Phrynwr, hoff rieni,—a alwodd
Eich anwylaf Lisi;
Didrwst bu'n gwaedu drosti,
A'i eiddo Ef ydoedd hi.
GLAN TECWYN
Anrhaith i fro y Penrhyn—a Meirion
Fu marw Glan Tecwyn;
Ni ddaw mwy (ni wyddom hyn)
O'i gongl na chân nac englyn.
Hir oedi â Cheridwen—y bu ef
Heb ball, er yn fachgen;
Heddiw gwyw yw ei awen,
Daeth oes hardd y bardd i ben.
Un dewr oedd o du yr iawn—drwy ei oes,
Casai dreiswyr creulawn;
Gwnaeth ei ôl â'i ddeifiol ddawn
Ar reng ofer anghyfiawn.
Am berchen talent helaeth, a'i ddoniau'n
Ddiddanwch cymdogaeth,
O'i ddaearu bydd hiraeth
Yn ddu drist rhwng y Ddau Draeth.
LLYSFOEL
Yma rhoddwyd amryddawn—awenydd,
Oedd ŵr annwyl rhadlawn;
Am oes hir, gŵr cymwys iawn,
Fu flaenor difefl uniawn.
