Prawfddarllenwyd y dudalen hon
CAWELL
Manwl bleth—wiail meinion—yw cawell;
Cywir was amaethon;
Ar dir ers oesau hirion—
A châr i sach yr oes hon.
Y GWELLAIF
Arf durol cryf ei doriad—yw gwellaif,
Fel dwy gyllell anfad;
A'i ddeufin dyr gnu'r ddafad
I'w roi'n glog am werin gwlad.
MAGL
Yn gêl, gas, caiff magl ei gosod—yn deg
O flaen dyn neu filod;
Ac â'r dwl ddifeddwl fod
I drwbwl diarwybod.
Y CLEDDYF
Llyn elyn yn llaw milwr—ydyw'r cledd—
Awdur clod rhyfelwr;
O'i doriad rhed gwaed arwr
Ar y ddôl fel aber ddŵr.
