Prawfddarllenwyd y dudalen hon
GWEDDI MAM Y MORWR
Rheola donnau creulon—y môr dig,
Dduw mawr doeth a ffyddlon
Cadw'i lestr ar fôr estron,—
Gwarchod ef goruwch y don.
PRIODAS ALIS
Anodd oedd gwneud gwell uniad,—ie'n wir,
Ac ni waeth heb siarad;
Alis hoff fydd o lesâd
I gadw tŷ heddgeidwad.
NEWID BYD
(PRIODAS BOB OWEN, M.A., CROESOR)
Ei ieuo gâdd Bob Owen,—er oedi,
Fe'i rhwydwyd gan Elen;
Na phleserau llwybrau llên
Mwynach oedd cwmni meinwen.
Heddiw yr wyf yn ddirith,—i Elen
Yn eilio pob bendith;
Newid blas fydd naid i blith
Llyfrau'n lle llaeth a llefrith!
GRESYN
(AR BRIODAS MISS NESTA GRIFFITH, BEDDGELERT)
Rhywsut y mae yn resyn—i osteg
Ar lais Nesta ddilyn;
Rhoes ffarwel i'r Côr Telyn
Am ennyd awr er mwyn dyn.
