Prawfddarllenwyd y dudalen hon
Y meddyg mwya' addas—yw, egyr
Lygaid dwl cymdeithas;
Gall hwn drosi culni cas
Y dyn oer yn dân eirias.
Y DIWYD
At y gloch trwy wynt a glaw—â efô,
Hoffa fod yn flaenllaw;
A thrwy orchwyl ei ddwylaw
O Ias o rwd nid ysa'i raw.
ADRE'N FYW
Wedi'r hir fod ar wahân,—adre'n fyw
O'r drin fawr doist, Ifan;
Heb glwy' na gwall, doist allan
Yn llaw Duw o'r llinell dân.
DYN DALL
Llwyr ddu i'r dall yw'r huan,—un nos hir
Yw einioes hwn, druan;
Er golau rhydd, dydd neu dân,
'Wel o mohono'i hunan.
CARDOTYN AMDDIFAD
Drwy fyd drwg o dref i dref—y symud
Mewn siomiant heb gartref;
Edrych fel deilen Hydref,
Yn wael, grin, dan awel gref.
