Prawfddarllenwyd y dudalen hon
VI.
HIRAETH.
Gwenai blodyn cynta'r gwanwyn
Bore heddyw ger fy nhŷ,
Atgof ddug am dlysach gwrthrych
Wenai yn yr amser fu.
Canai mwyalch gyda'r plygain
Llwydwyn heddyw wrth fy nôr,
Meddwl wneis am lais pereiddiach
Glywais unwaith yn y côr.
Syllai gwawr lygadlas ieuanc
Heddyw'n nrych y gloew li',
Hiraeth ddaeth am lesni dyfnach
Llygad rhywun gerais i.
Beth yw hiraeth serch anfarwol?—
Ol-dywynion gwawrddydd dlôs;
Adlais y telynnau gollwyd
Yn dychwelyd gyda'r nos;
