Prawfddarllenwyd y dudalen hon
XVI.
LLWYN Y NEF.
Prudd oedd y Mynach.
Crynedig ei lef,
Dybiai doi henaint
Dros gerddi'r nef.
Un hwyrddydd tawel
O Hefin brŵd
Cerddai hyd lannau
Sidellog ffrwd.
Noswyliai anian
A'r ffrydlif ffri
Lithrai i fynwes
Y tonnog li'.
Yn sŵn ei dwndwr
I'r ceulwyn cudd
Ym mraich myfyrdod
Ai'r Mynach prudd.
Yn ebrwydd clywai
Gyfriniol gerdd
Meddalfwyn gantor
Ar gangen werdd.
