Prawfddarllenwyd y dudalen hon
ALWYN HENGWM.
i
Mae bellach lawer blwyddyn.
A'i helynt gyda hi,
I ebargofiant wedi mynd
Fel dyfrgloch ar y lli',
Er pan fu Alwyn Hengwm
Yn swn y Gonwy lân,
Ar hyd llechweddau Machno gynt
Yn gwylio 'i ddefaid mân.
Drwy'r Cwm aeth ugain gaeaf
Mewn stormydd ar eu hynt,
A gwelwyd llawer tro ar fyd
Gan deulu'r Hengwm gynt.
Yn fugail ar y mynydd
'Roedd Alwyn erbyn hyn
A'i fugail-gerddi, fore glâs,
Yn deffro ecco'r glŷn.
Yng nghwmni'r wyn a'r defaid
Dymunai'i galon fyw.
'Run fath a'i dâd a'i deidiau gynt
Dan wybren lydan Duw;
