3 Fod Brawd a Chyfaill wedi'i gael,
I'r tlawd a'r gwael, na chilia;
Yn nyfnder profedigaeth gre'
Efe a gydymdeimla;
4 Fod modd i'r euog gael rhyddhad,
Fod gwir iachâd i'r clwyfus;
Trwy nerth ei air, fe rodia'n llon
Y cloffion a'r anafus.
5 Gobeithia f'enaid yn ei air,
Efe a bair orfoledd;
Pob loes a galar, tristwch, try
Yn ganu yn y diwedd.
Richard Jones y Wern, Llanfrothen
277[1] Cysuron y Gair.
8M. S.
1 DY nerthol air, Iôn, oddi fry,
A bery yn oes oesoedd;
Tydi sydd wedi cadarnhau
Dy eiriau yn y nefoedd.
2 Mor werthfawr yw dy air a'i rin
Mewn cystudd blin a chroesau;
Fe droir wylofain trist yn gân
Ar lwybyr glân dy ddeddfau.
3 Gobeithiaf yn y gair o hyd
Yng nghanol byd o ddychryn;
Mae'n gysgod rhag y gwynt a'r gwres,
Mae'n lloches rhag y gelyn.
Richard Jones y Wern, Llanfrothen
278[2]
Goleuni a Hyfrydwch y Gair. M. S.
1 MAE yn y gair oleuni glân―
O! f'enaid, cân amdano—
I'r euog yn yr anial fyd,
I weld lle clyd i 'mguddio.
