Prawfddarllenwyd y dudalen hon
SERCH A SIOM
Quis multa gracilis te puer, &c.
(Hor. Car. V. Lib. I)
Ba fwynaf mab, O feinir,
Hoyw, glân, dan berarogl îr,
Dau frig llwyn sy'n d'orllwyn di—
Llannerch a rhos i'w llenwi?
Er rhoi tâl i bwy'r wyt ti
Yn trwsio d'euraid dresi
A'u rhwymo hwy mor wiw, mal
A deheufedr di-ofal:
Och! ba mor fynych y bydd
Ei gwynfan ef pan genfydd
Droi d'air rhydd yn gelwydd gau
A dianc ffafr y duwiau!
Ac ef (gan nas gwybu gynt)
Uthr olwg gantho'r helynt,
A llu y gwyntoedd duon
Ar y môr yn digio'r don.
