Prawfddarllenwyd y dudalen hon
Nid eiddynt aelwyd annwyl
Na gwên gwraig wrth eu disgwyl,
Na greso plant, ddigrif hwyl.
Gorau medel yn eu hoed,
Union eu cwysau erioed,
Grymus eu bwyeill yng nghoed.
Na wawdied Balchter eu byd
Salw ei ran na'u syml wynfyd,
Na Rhwysg fer chwedl eu bywyd.
Anesgor awr pob mawredd,
Achau, Glendid, Digonedd,—
Nid â'r balch onid i'r bedd.
Chwi Feilch, na feiwch eu rhan
Onis coffeir yn y llan
A maen a mawl ar organ.
A all bwst neu wrn gofnod
Ddwyn ffun ffo i'w hen drigfod:—
Y marw ni chlyw druth na chlod.
