Prawfddarllenwyd y dudalen hon
CAERNARFON
Gynnau yr oedd gogoniant a henaint
yn huno o'th gwmpas,
Bellach, rhywbeth a ballodd—
heno nid ydwyt ond hen;
Eto yfory pan giliwyf o'th gyfyl
a'th gofio mewn myfyr,
Huno y byddi'n dy henaint teg
a'th ogoniant o hyd.
1927.
MENAI
(Wedi hir dreigl)
Bore o wanwyn gwlybyrog,
a niwl ym mhanylau'r mynyddoedd,
Menai'n anniddig ei mynwes,
a Môn yn ddigysur mwy;
Pam y dihangodd rhamant a nwyf
o'u cynefin ymaith:
Gallu cyfrinach a gollwyd,
nwyf a adawed yn oer.
1927.
