ACT IV.
Offis Mr. Powell cto. 1921. Chwe mlynnedd wedi myned heibio. Mr. Powell yn rhy hoff o'r ddiod. Mae ganddo un plentyn, Ceinwen, tua 21 oed, Ceinwen wedi ymbriodi a Jenkin; eu dau yn byw yn Cymrofa," gyda Mr. Powell. Y Chief Clerk wedi ymadael. Jenkin yw llaw ddehau" Mr. Powell, mewn gwirionedd, mae Mr. Powell wedi ymollwng yn ormodol i yfed Whisky, ac y mae'r fusnes yn llaw Jenkin. Mae yn ddiogel yn llaw Jenkin, ond nid oes sicrwydd fod Jenkin yn ddiogel yn llaw y fusnes. Mewn gair, mae bron yn ysglyfaeth i gyfoeth; "Gwneud arian" a dod i awdurdod yw ei fywyd. Yn bresennol, Mr. Powell a Jenkin. Amser, tua 10 y bore; Mr. Powell yn eistedd ac yn darllen y" Financial News" wrth ddesc A. Jenkin yn brysur iawn wrth ddesc B (llaw chwith). Yna, ymhen ychydig, cwyd Mr. Powell ar ei draed, cydia yn ei het ac a allan.
JENKIN: "Y ffwl. Wedi gwneud arian, yn eu taflu i ffwrdd ar y fath sothach." (Ymhen ychydig daw Ceinwen i fewn, wedi gwisgo yn hardd, ac yn llawn bywyd. Jenkin yn troi i edrych arni).
CEINWEN (wrth weld cadair ei thad yn wag, yn edrych yn bruddaidd, yna dywed): Wrth eich hun, rwy'n gweld."
JENKIN "Oh, ie, Ceinwen, dyna'r rheol ers amser, bellach.'
CEINWEN (ymhen ennyd): Rwyf am dalu'r bill am y got newydd yma, a'r fur; mae'n hen bryd ei dalu. ANghofiais ofyn y bore yma am y cheque. Gwnewch ef mas i mi yn awr."
JENKIN : Am ba faint ?
CEINWEN: "Hanner can punt."
JENKIN (yn edrych yn sur, yna yn gwneud y cheque allan ac yn ei daflu ar y desc): "Un arall eto am wagedd."
CEINWEN: "Jenkin, peidiwch taflu hwnna ata i.
