Prawfddarllenwyd y dudalen hon
"Naddo, hyd y gwyddom. Daeth y cyngor o le arall. Mae'r peth i raddau yn gyfrinach. Un o feirdd yr ardal—gellwch ddyfalu pwy ydyw—a anfonodd englyn iddi drwy'r post."
Englyn?" A ydych yn ei wybod?"
"Mi glywais yr awdur yn ei adrodd. Yr oedd yn debyg i hyn:—
Lodes y Weirglodd Lydan—rhag angof,
Cymer gyngor bychan:
Ar y Sul bydd suful, Siân,—
Gochel esgidiau'n gwichian.
"Campus. Dyna englyn wedi gwneud gwaith rhagorol, ac y mae hynny yn fwy nag ennill gwobr. Rhaid i chwi ei ysgrifennu, ac yna gosodir ef ar y 'sgrin.'"
