Prawfddarllenwyd y dudalen hon
Y Defnyn Bychan Gloew.
DAETH defnyn bychan gloew.
O gol y gawod wlaw,
I dori syched blodyn
Oedd yn yr anial draw:
Nid ydoedd ond diferyn
Yn dod o nefoedd Duw,
Ond dygodd fywyd newydd
I wedd y rhosyn gwyw.
Afonig fach, fynyddig,
Yn sisial ganu'n fwyn,
Ac yfed o'i chwpanau
A wna y grug a'r brwyn:
Nid ydoedd ond afonig
Yn crwydro ar ei thaith,
Ond melus oedd ei chanig,
A gwerthfawr oedd ei gwaith.
