Prawfddarllenwyd y dudalen hon
Dwy Delyneg
I.
AR lan yr afon loew
Mi welais flodyn gwyn,
Yn gwenu mewn boddineb
Dan gysgod tawel fryn,
Canai'r afon felus gân,
Dros y graian melyn, mân,
Suai'r awel fiwsig swyn,
Dawnsiai heibio'r blodyn mwyn.
Bywyd oedd yr afon
Loew, welais i,
Tithau oedd y blodyn
Wenai ger y lli:
Cartref oedd y cysgod
Rhag y gwres a' gwynt,
A'n dymuniadau ydoedd
Yr awel ar ei hynt.
Mae engyl haf yn chwareu,
Ar delyn dail y coed,
A thithau'n ysgafn sangu
Ar randir pymtheg oed:
Dy yrfa fyddo'n wen a phur,
Fel blodyn ger y dyfroedd clir.
