Prawfddarllenwyd y dudalen hon
Y Mwnwr.
(The Miner).
I.
I LAWR, i lawr, yn y mwnglawdd mawr,
O olwg y byd yr af,
O doriad dydd hyd yr hwyrnos brudd,
A byr yw y gorphwys gaf.
Y disglaer haul a oleua'r nen,
Drwy'r hafddydd teg ei wawr,
Ond oer ei wedd, fel y tywyll fedd,
Yw dyfnder y mwnglawdd mawr.
I lawr, i lawr, yn y mwnglawdd mawr,
Lle na ddaw awelon mad,
O fore i hwyr, ac ychydig wyr,
Am danaf o fewn y wlad.
II.
Ond ing a braw dry y fron yn friw
Pan ddaw'r danchwa ar ei thro,
A chwmwl prudd a orchuddia'r dydd
Ac ochain a leinw'r fro-
Leinw'r fro.
