Prawfddarllenwyd y dudalen hon
Fy enaid, ai'r un yw dy gredo
Yn oedfa'r môr yn y nos?
Ysbrydion a grwydrant o'th amgylch
Gan furmur yn dyrfa drist;
Ddarllennaist ti rywdro am danynt
Ym Meibl ysbrydol dy Grist?
Pa beth yw dy gredo di heno
Yn seiat ddiadnod yr hwyr?
Wnaeth cipdrem o'r nef it' anghofio
Delfrydau'r ddaear yn llwyr?
O fyd, cymer funud o seibiant,
Yn nwndwr tinciadau'r bunt,
I wrando yn eglwys y tonnau
Hyawdledd pregethwr y gwynt.
O natur, fy mamaeth anwylaf,
Cusana fi, sibrwd i mi
Mai'th dân di sy'n llosgi'n fy enaid
I'm gwneud yn ddiofryd i ti.
