Prawfddarllenwyd y dudalen hon
Dywed imi, leuad dirion,
Welaist ti f' anwylyd wenfron?
Roddodd hi ryw neges iti?
Pa sawl cusan yrrodd imi?
Dywed wrthi nos yfory
Iti gael ar fryniau Cymru
Gusan serch gan grwydryn unig.
I'w roi ar fin y ferch fonheddig.
Dwêd fod baich o hiraeth creulon
Am ei gweld yn llethu ei galon,
Mai trist a fydd hyd nes cael cusan
Gan delediw wenlliw'r Winllan.
VIII.
CLOCH Y BUGAIL.
Yn y gwanwyn, O Myfanwy,
Rhodiet gyda mi;
Glas oedd lliw y clychau, feinwen,
Fel dy lygaid di.
Mwyn oedd sibrwd, O Myfanwy,
Hoff gyfrinion serch,
