Prawfddarllenwyd y dudalen hon
Fu amheuon ar dy lwybrau,
Menna, ambell ddydd?
Deimlaist ti fod geiriau cariad
Lawer tro yn brudd?
Tybiais innau'r dail yn gwywo
Ganwaith am fy mhen;
Bu rhyw ysbryd yn cynghori
Peidio caru Men.
Ond mae adsain oesau filoedd
Yn dy lais i mi,
Gwelais dragwyddoldeb ganwaith
Yn dy lygaid di.
Fun fy nghariad, nid oes marw
Byth yn aros serch,
Bythol wyrdd yw prennau deiliog
Cariad mab a merch.
