Prawfddarllenwyd y dudalen hon
XXXIX.
SIOM.
Dail meirwon yr hydref ddisgynnent
Yn grin a gwywedig i'r lli,
A nofient yn araf a phruddaidd
Heb atgof am wanwyn eu bri.
Meddyliais am lu o obeithion,
Fu unwaith yn flodau i gyd,
Wywasant yn henaint y flwyddyn,
A'r llwydrew yn oer ar eu pryd.
Fe'u dygwyd yn dyrfa, un diwrnod,
Yn farw i'r cefnfor di-lan,
A murmur wnai llif ebargofiant
Yn bruddaidd o amgylch y fan.
