SYR OWEN M. EDWARDS.
Ebr Dysg: "Boed falch dy drem, fy nglewddyn i!
Rhoed talaith fy llawryfoedd ar dy ben;
Mae cân dy glod yn tramwy ffyrdd y nen,
A phawb yn arddel dy firaglau di."
Ar hyn, â dengar fysedd, gwthiai Bri
Dinasoedd Lloegr i'w ymyl gyfrol wen,
Gan wybod y blodeuai megis pren
Pe rhedai'i bwyntil dros ei gwynder hi.
Pell, pell ei drem, a'i enaid hael yn awr
Yn syllu draw yng ngolau breuddwyd claer,
A'i Aran hoff, ar goll mewn niwloedd trwm,
Yn hawlio i Werin Cymru loywach gwawr.
O, siom y gyfrol wen! Mae'r pwyntil taer
Yn gyrru cwysi aur dros foeldir llwm.
*******
Ar fron lle rhydd yr awel ddawns i'r brwyn,
Mae'r cwlltwr heddiw'n fud, a'r hwsmon ddaw
At gamfa'r waun lle pwysodd gynt y llaw
A roes i'w feysydd tlawd anniflan swyn;
