Prawfddarllenwyd y dudalen hon
BABAN.
Perl dinam hen gyfamod—oed traserch,
Trysor deufryd priod,
Eilun byw, y dela'n bod,
Enaid bychan dibechod.
HIRAETH AM GYMRU.
Ymhell o'i ffridd, anniddan—wyf o hyd,
Gofidus ym mhobman;
Haf cyflawnaf cofl anian
Yw golud gwych Gwlad y Gân.
O ddrws Duw i ddyrys daith—yr euthum,
Lle'm brathodd Anobaith ;
Gwybum dlodi ffordd ddiffaith
A niwl mawr yr anial maith.
O, dirion Dad, arwain Di—fy enaid
I'th fwynaf oleuni.
Rho heulwen bro fy ngeni
O'r niwl mawr yn ol i mi.
