Prawfddarllenwyd y dudalen hon
EMYN GWYL DDEWI.
Benllywydd mawr! O'th orsedd lân
r Wlad y Bryniau edrych Di;
A boed Dy ddeddfau eto'n gân
Ar ffyrdd ei hen allorau hi.
O, cofia'i phlant ymhell o dref,
Bendithia hwy ar dir a môr.
Na chaffer Cymro dan y nef
Heb ffydd ei dadau, Arglwydd Iôr.
Byth na ddiffodded mewn sarhâd
Y gred sy'n addo'r euraid oes.
O nos i nos ar fryniau'n gwlad
Disgleiried golau Bryn y Groes.
Gwna Walia Wyllt yn drigfan hedd
A'i maes o hyd yn aelwyd sant.
Rho goncwest fwy na choncwest cledd
Yn ymffrost ar wefusau'n plant.
