Prawfddarllenwyd y dudalen hon
EDN Y MYNYDD.
Seraff bach yr unigeddau,
Yn y grug a'r hesg,
Ar y mynydd yn telori
Heb un nodyn llesg.
Oer yw min yr awel heddiw,
Noeth yw llethrau'r twyn,
Tithau'n cadw y gân yn gynnes
Yn dy fynwes fwyn.
Wele'r haf yn nychu, nychu
Weithion dan dy droed,
Hydref gyda'i bwyntil gwawdus
Obry yn y coed.
Aros yn dy gartref uchel,
Cân uwch storm a chlwy';
Pe cawn i dy ryddid heddiw,
Ni ddisgynnwn mwy.
