Prawfddarllenwyd y dudalen hon
MIN Y LLWYN.
Mi dariaf wrth hen dyddyn briw
A'm noddodd rhag tymhestloedd maith.
Mae llonder gwanwyn yn y coed
A hiraeth ar fy ngrudd yn llaith.
Isel yw'r nenbren ger y mur,
A'r drain yn gwawdio'r uchaf faen,
A hithau'r dderwen braff gerllaw
Yn dal i ddringo yn ei blaen.
Isel yw'r coediwr erbyn hyn,
A'i wely'n lâs dan lesni'r nef,
Ac utgyrn Mai yn deffro'r haf
Ym mrigau'r coed a blannodd ef.
