Prawfddarllenwyd y dudalen hon
Rhoir golud hardd i'r ardd grin,
A gemwaith i'r hen gomin;
A daw'n bêr yn nyfnder nos
O wern draw nodau'r eos.
Yn y boen, ei hawen bur
Lunia delyn o'i dolur.
Harddwch a wisg hen furddun,
A dileu ei nychlyd lun.
Gwên lloer yw ei gannwyll o,
A'i haddurnwaith sydd arno.
I'w dyrau hadl dyry hon
Ogoniant ceyrydd gwynion;
Ond eiddo'r nos a'r corwynt
Yw'r llonder a'r gwychder gynt.
