Prawfddarllenwyd y dudalen hon
Dyn ddiachar heb arwr,
A merlen gam ar lun gwr.
Ba wr arab yr awron
A daen hul dan wadnau hon?
Hi ddring lwyfan i'w annerch,
A'i safn yn dychrynu serch.
Hi a boer rew ar wŷr bro,
Herio'u dewrder, a'u dwrdio.
Hi lawia farn ar wael fyd,
Llif oerfel, ufel hefyd,
Tân i waered ar gedyrn
Yn gymysg â chenllysg chwyrn.
Mae deifiol fflam i'w deufin,
Mae llety'r mellt ar ei min.
V.
Ni all nad oes i'r oes hon
Ryw Enid neu Riannon,
Rhyw fun dyner a geri
Rhag mor fwyn ei hymddwyn hi,
Ei min yn diferu mêl,
A'i heurwallt unlliw'r cwrel.
Boed fawr dy angerdd erddi,
Deurudd fy Morfudd i mi.
