Prawfddarllenwyd y dudalen hon
Nid un i'w genedlu mewn blwyddyn,
Na'i ddwyn am ryw fisoedd oedd Ef:
Bu mamau y byd yn hir ddysgwyl
Am eni Tywysog y nef!
Ond nid yn ei eni mae'r cyfan,
Ei eni'n allanol i'r byd,
A'i gael yn y preseb yn Meth'lem
Sydd chwedl huda'r galon o hyd;
Ei weled yn rhodio o amgylch,
A chlywed Ei eiriau mor ddwys;
Mae'r hanes yn glaer ogoneddus—
Mae'r stori'n aruthrol ei phwys!
Ond wedi'n "allanol" yw'r cyfan—
Allanol ei eni a'i fyw;
Rhyw ddynol yw hyny, mi deimlaf,
Ni chyffwrdd a chlwyf dynol ryw;
Pa les a fu geni Iachawdwr?
Pa fudd fu o droi yn ein plith?
Ei weled mewn hanes a'i adrodd
Heb fyned i fewn i ni byth?
Ti glywaist am Grist hanesyddol—
Nid hwnw sy'n achub y byd;
A'r rheswm na cha'r byd ei achub
Yw Crist yn "allanol" o hyd;
