Prawfddarllenwyd y dudalen hon
Mi'i gwelaf yn llifo at ysgol y llan;
Dychlama fy nghalon wrth son am y fan.
'Rwy'n cofio pob trofa, pob carreg o'r bron,
A dyna pam Îlefaf o ddyfnder fy mron—
Y fi bia Afon Alwen.
Tu isaf i'r ysgol prysura i ffwrdd,
'Ddaw hi, mwy na mebyd, byth mwyach i'm cwrdd;
Mynd adre mae'r Alwen; mae'n graddol nesau.
Mynd adre 'rwyf finnau. Mynd adre ein dau—
Y fi a'r Afon Alwen.
