Prawfddarllenwyd y dudalen hon
SYCHED Y GALON.
AR draws y cae ger drws y tŷ
Mi welais lwybr bychan;
Rhodiannais hyd y llwybr hwn
Er gweld beth oedd ei amcan;
A ffynnon loyw welais i,
A llun y nefoedd yn ei lli.
Mae cri am ffynnon ymhob bron;
Mae'n rhaid i ddyn gael ffynnon;
Rhyw son o hyd mae'r wefus sych
Am syched mwy y galon.
Tydi, O Dduw! yw'm ffynnon i,
Mae'r nefoedd yn Dy ddyfroedd Di.
