Prawfddarllenwyd y dudalen hon
Adgof:
Am y diweddar Mr. Hugh Jones, Argraffydd, Wyddgrug
AR y mur yn mharlwr hiraeth
Adgof hongiodd ddarlun byw,
O hen gyfaill â'n gadawodd
I fyn'd adref at ei Dduw;
Y mae misoedd lawer bellach
Er pan aeth i'r ardal bell,
Ond mae'r darlun wrth heneiddio
Yn parhau i fyn'd yn well.
Darlun yw—nid ef ei hunan
Ef ei hun ni welir mwy,
Ac nid yw ond ofer cwyno
Am nad arosasai 'n hwy;
Nid oedd hinsawdd oer y ddaear
Yn dygymod gydag ef
Aeth i wlad yr haf trag'wyddol
Ar gyfandir mawr y nef.
